طرق عمل presentation بشكل مميز

لما بيتطلب مننا نعمل عرض لأى حاجة .. أول وسيلة مساعدة بتيجى فى تفكيرنا هى الpowerpoint منتج مايكروسوفت المعروف
لكن اللى كتير مننا ميعرفوش انى فى أدوات تانية موجودة دلوقتى ممكن تبقا أحسن بكتير و بتقدم المادة اللى احنا بنعرضها بطريقة أكثر جاذبية ..
1) Prezi
برنامج ظريف جداً بيخلينا نعمل الslides بطريقة ممتعة جداً و بيتيح إننا نتعامل مع العرض كعناصر و نظبط كل عنصر لوحده – امتا يكبر و امتا يصغر و كدا - التسجيل عليه مجانى ويتيح لك بعمل عروض فى حدود 100 ميجا، و بعد كدا بتدفع فلوس .( الا لو كان عندك ايميل جامعى .. دا بتجيبه من وحدة نظم المعلومات فى رئاسة الجامعة بتاعتك وبتسجل بيه وبيفتحلك كل حاجة تقريبا)
.
2) PowToon
كل الناس اللى بتحاول تفكر برا الصندوق .. PowToon هو برنامج بيعمل فيديوهات جرافيك جذابة جداً .. ممكن من أول مرة تشتغل عليه تطلع حاجات جميلة جدا ً لأانه مش صعب فى التعامل معاه و شكل power pint إلى حد كبير ..
البرنامج مجانى بس مشكلته انك محدود بخمس دقايق كحد أقصى للفيديو.

.
3) Emaze
برنامج سهل فى الاستخدام و فيه مكتبة فيها حاجات جاهزة كتير و تقدر تستخدمها فى العروض بتاعتك كمان فى سلسلة فيديوهات تعليمية بتعلمك تشتغل عليه ازاى و برده مجانى زى التطبيقات التانية الا لو عاوز تضيف ميزات معينة بتضطر تدفع فلوس عشان هما يكسبوا برده

.
ممكن كمان تستخدم أكتر من برنامج من دول فى نفس الوقت .. تعمل presentation و معاه فيديو توضيحى